الكركم لازالة الشعر الزائد من الوجه
كل البنات بيظهر عندهم شعر زائد فى منطقة الوش او الوجه ، و بنقدر نتخلص منه بالطرق العادية فى مراكز التجميل و ساعات بيبقى مؤلم جدا و بيسببلنا ازعاج سواء بالطريقة العادية او لو استخدمتى الشمع ، و لكن المشكلة انه عند بعض البنات بيكون نمو الشعر فى منطقة الوجه مبالغ فيه او انه الشعر بتبقي كثافته زيادة او طويل و بيطلع بسرعة بعد ازالته و ده بيسبب ازعاج و احيانا بيبقى شكله مش مريح و ممكن يكون محرج
– اسباب وجود شعر زائد فى منطقة الوجه ؟
احيانا يكون العامل الوراثى هو السبب فى وجود نمو زيادة للشعر او وجود بعض الخلل فى الهرمونات المسؤؤلة عن نمو الشعر فبنلاقى فى كثافة زيادة للشعر فى منطقة الحواجب او الشنب و باقى مساحة الوجه .
– و فى طرق كتيرة للتخلص من الشعر و ازلته منها استعمال الكريمات الخاصة ب ازالة الشعر او عن طريق الشمعو الليزر او بالطرق التقليدية عند الكواقر و مراكز التجميل .
– فوايد الكركم للبشرة :
1- التخلص من التجاعيد : الكركم له فايدة كبيرة جدا فى التخلص من التجاعيد لانه فعال جدا فى تقشير الجلد الميت من البشرة ، و بيساهم فى تجديد الخلايا .
2- علاج احمرار البشرة و حب الشباب : بيحتوى الكركم على مضادات للالتهاب يسهام فى قتل البكتيريا يقلل من احمرار بشرة الوجه و يمنع ظهور حب الشباب .
3- مفيد للبشرة الدهنية و الجافة : لان الكركم ينظم انتاج الغدد للمادة الزيتية اللى تكون مسؤولة عن ترطيب البشرة و ممك بزيادة الافرازات تسبب البشرة الدهنية و بقلتها تهلى البشرة جافة .
4- تبييض البشرة : ممكن نعالج اسمرار البشرة عن طريق وصفات الكركم للبشرة و الوجه ، و الكركم فعال فى ازالة الكلف و البقع الداكنة .
5- معالجة الحروق : الكركم من اهم امواد الطبيعية اللى ممكن نستخدمها فى معالجة الحروق السطحية بسبب دوره فى تجديد الخلايا بسرعة
وصفات الكركم لازالة الشعر الزائد من الوجه :
– الوصفة الاولى ماسك الكركم و المية :
امزجى ملعقتين من الكركم ” او الكمية المناسبة لكثافة الشعر” مع كمية مناسبة من المياة و قلبى ، افردى الخليط على مساحة الوش كله لمدة 20 دقيقة و امسحيه بفوطة قطنية مبلولة بمياة باردة .
كررى الخطوة يوميا لحد ما يتم ازالة الشعر تماما.
– الوصفة الثانية وصفة الكركم و اللبن :
اخلطى مقدار من الكركم مع مقدار اقل من اللبن و قلبى ، دلكى وشك كله بالخليط لمدة 15 دقيقة و اشطفى وشك بمياة باردة ، كررى الخطوة عند الحاجة .
– الوصفة الثالثة ماسك الكركم و البابايا :
اهرسى ثمرة واحدة من البابايا مع نص ملعقة طعام من الكركم و امزجيهم ، افرد الخليط على الوجه لمدة 15 دقيقة و اشطفى وشك بمياة باردة ، كررى الخلطة مرة كل اسبوع و هتلاحظى الفرق بعد فترة قصيرة .
– الوصفة الرابعة ماسك الكركم و دقيق الحمص :
اخلطى مقادير متساوية من الكركم و دقيق الحمص و ضيفي كمية صغيرة من المياة ، افرد الخليط على الوجه افركيه باستخدام فوطة مبللة و فى حركة دائرية .
